Hili ndilo tamko la Wafanyabiashara na Wajariamali wa Tanzania kuhusu mashine za TRA

 

Jioni ya February 2  Uongozi wa Jumuiya ya wafanyabiashara Tanzania- JWT kwa niaba ya wafanyabiashara na wajasiriamali umetoa taarifa kwa wafanyabiashara wote na umma kwa ujuma kuhusu mashine za zinazotolewa na Tra.

 

Wafanyabiashara hao wamedai Serikali kupitia mamlaka ya mapato Tanzania[TRA] taratibu za kuleta namna mpya ya ukusanyaji kodi kwa namna ya mfumo wa mashine za kielektroniki[EFD] kumesababisha migomo sehemu mbalimbali nchini,jumuiya hiyo kupitia vyama vya wafanyabiashara vya mikoa na maeneo mbalimbali vimefanya juhudi za kuwatuliza wafanyabiashara na kutafuta suluhisho ndani ya Serikali kwa kukutana na idara mbalimbali za Serikali.

 

Miongoni mwa Idara hizo za Serikali ni pamoja na Mamlaka ya Mapato Tanzania [TRA],Mkuu wa Wilaya ya Ilala. Mh.Raymond Mush,Mkuu wa Mkoa wa Dar es salaam. Mh. Merk Sadik na Maofisa wa Ikulu na pia walikutana na Wizara mbili yaani wizara ya Fedha na Uchumi pamoja na Viwanda na Biashara.

 

Kutokana na vitu hivyo Jumuiya hii imetoa msimamo wao ambao wamedai bado wanayo imani na wanasubiri tume iundwe kama walivyokubaliana na ifanye kazi yake,kufuatia mgongano wa misimamo ya wizara mbili wameomba mamlaka zilizo juu ya wizara hizi ziingilie kati ili kuondoa hofu kwa wafanyabiashara kote nchini.

 

Pia wameiomba serikali iwape ufafanuzi juu ya kauli sahihi ya kufuatwa na wafanyabiashara hao ambayo ni ile ya Waziri wa fedha na uchumi kupitia Mh. Saada Mkuya, au ya Mh Dr Abdallah Kigoda waziri wa wizara ya viwanda biashara na masoko, ili wajue upi ndio msimamo wa serikali.

Pia Wamemuomba Mh. Rais Dk. Jakaya Mrisho Kikwete aingilie kati suala hili kwani linawapa mashaka kama amepewa taarifa sahihi juu ya msingi wa madai yao ambao madai yao ni maboresho ya mfumo mzima wa ukusanyaji kodi (Tax Regime) pamoja na uendeshaji biashara nchini.

Kwa maelezo ya wafanyabiashara hao wamedai hauendani na misingi ya kibiashara na kupelekea nchi kuwa moja kati ya nchi inayo kimbiwa na wawekezaji pamoja na kuwafilisi wachumi wazawa wa Tanzania kutokana na mifumo isiyo kuwa na tija kwa wafanya biashara na yenye kuchochea rushwa.

Wamemalizia kwa kusema endapo serikali itashindwa kutoa kauli sahihi na suluhisho wanaamini viongozi wao wa  JWT watakuwa wamefanya sehemu yeo kwa bidii kubwa na juhudi kubwa sana kuepusha mgongano baina ya serikali na wafanyabiashara kote nchini.

Ambapo wamesema watajitoa katika kutafuta suluhu na kuwaacha wadau waamue njia watakayoona ni sahihi katika kuwasilisha madai yao,ambapo jumuiya hiyo wamekuwa mstari wa mbele kuzuia migomo na mivutano baina  ya wafanya biashara na serikali huku wakitoa angalizo kwa serikali kama hatua staiki hazita chukuliwa wafanya biashara hao wanaweza kuingia kwenye migomo isiyo ya lazima.

source:milard ayo.com